Heydər Əliyev Mərkəzinin binası Azərbaycan Respublikasının Prezidenti cənab İlham Əliyevin  iştirak ilə 2007-ci il mart ayının 2-də  isdifadəyə verilmişdir.  Mərkəz 1 brifinq zalı, 6 inzibati otaq və yardımçı otaqlardan  ibarət olmaqla 812 kv.m sahəni əhatə edir. Ekspozisiya zalı 14 bölməyə ayrılmışdır. Həmin bölmələrdə Ulu Öndərin həyatının müxtəlif anlarını əks etdirən 340-dan artıq eksponat cəmlənmişdir. Bunlar tarixi sənədlər, Ulu Öndərin həyat və fəaliyyətini əks etdirən fotoşəkillər və kitablardan ibarətdir. Ümumilikdə Mərkəzdə 550-dən artıq eksponat mövcuddur.

Burada “Bacarıqlı əllər” dərnəyi, komputer kursları, musiqi dərnəyi, rəsm studiyası və elektron kitabxana fəaliyyət göstərir.

Mərkəzdə Ümummilli Lider Heydər Əliyevin Qəbələ rayonuna səfərləri ilə bağlı materialların toplanması və Ulu Öndərlə bağlı xatirələrin yazıya alınması məqsədi ilə tədqiqat qrupu yaradılmışdır.

Hal-hazırda burada 12 nəfər işçi çalışır. İl ərzində orta hesabla Mərkəzin 4500-dən çox ziyarətçisi olur.