19.02.2019-cu il ltarixdə Balakən rayon Qaysa kənd kitabxana filialında 21 fevral Ana dili günü ilə əlaqədar “Məni xoşbəxt eyləyən öz sevimli dilimdir” adlı  ədəbi- bədii gecə  keçirildi.

Tədbirdə Qaysa kənd orta məktəbinin şagirdləri, mədəniyyət işçiləri, fəal oxucular, tibb işçiləri iştirak etdilər.

Tədbiri giriş  sözü ilə kitabxananın müdiri Fatma Məmmədova açdı və tədbir  iştirakçılarına “21  fevral –  Ana dili günü” ilə əlaqədar geniş məlumat verdi: “Bu gün  fəxr  etməliyik ki, danışdığımız  Azərbaycan dili  dünyanın ən şirin, ən zəngin, ən mükəmməl  dillərindən  biridir. Hər bir insan öz dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır.”

Tədbirin sonunda məktəblilər Ana dili və Vətənə aid şeirlər səsləndirib, səhnəciklər nümayiş etdirdilər.