18 yanvar 2019-cu il tarixində Balakən rayon mərkəzi kitabxanada 1990-ci il 20 Yanvar hadisələrinin  29-cu il dönümüilə əlaqədar “Başın  sağ  olsun Vətən” adlı tədbir keçirildi. 20 Yanvar faciəsində canlarından keçmiş  şəhidlərin ruhu bir dəqiqəlik sükutla yad edildi. Tədbiri giriş  sözü ilə MKS-in  direktor müavini Mehriban Cuxova açaraq 1990-cı ilin 20 Yanvar günü  Azərbaycanın  müasir  tarixinə  ən faciəli  günlərindən biri, eyni zamanda  xalqımızın qəhrəmanlıq salnaməsi kimi daxil olduğunu, bu tarixin bütün  Azərbaycan ərazisində Azərbaycan xalqının azadlıq səsi, haqq-ədalət, müstəqillik və suverənliyi uğrunda mübarizəsinin simvolu kimi qeyd edildiyini və  şəhidlərin daim qəlbimizdə yaşayacağını vurğuladı.

Tədbirdə  kitabxana işçiləri ilə yanaşı keçmiş sovetlər birliyində Rayon Partiya Komitəsinin birinci  katibi işləmiş Təranə xanım Əliyeva,  Qarabağ Əlilləri və Şəhid  Ailələr İctimai Birliyinin sədr müavini S.Şibliyev,  “Balakən” qəzetinin redaktoru Z.Həsənli də  iştirak etdilər.  Talalar kənd tam  orta məktəbinin  IV sinif şagirdlərinin ifasında şəhidlərə həsr olunmuş  şeirlər səsləndirildi.

Tədbirin sonunda 20 Yanvar faciəsini əks etdirən sənədli filmə və şəhidlərin fotolarını əks etdirən sərgiyə baxış oldu