Gənc nəslin azərbaycançılıq ideyaları ruhunda tərbiyəsi, milli dəyərlərin gənc nəslə aşılanması ən vacib məsələlərdən biridir. Təbii ki, müasir dünyada sürətlə davam edən qloballaşma prosesləri bizim də ölkədən yan keçməyib. Buna baxmayaraq, öz milli dəyərlərimizi unutmamalı və bu dəyərlərə sadiq olmalıyıq. Milli dəyərlərimizi yaşatmaq, ondan bəhrələnmək, ruhlanmaq həyatımızın əsas istiqaməti, gələcək işlərimizin zəmanətidir.

Bu məqsədlə 17.11.2018-ci il tarixdə Oğuz rayom Mərkəzi kitabxananın oxuculara xidmət şöbəsinin əməkdaşları H.Babayev adına 1 saylı tam orta məktəbin  VIII a  sinfində “Milli mənəvi dəyərlərimizi sevək və qoruyaq” adlı informasiya  günü  keçirdi. Oxuculara xidmət şöbəsinin müdiri N.Qasımova şagirdlərə öz milli dəyərlərimizi necə qoruyub saxlamaq haqqında söhbət açdı. Böyük kitabxanaçı L.Babayeva YUNESKO-nun Qeyri Maddi İrs siyahısına düşmüş Azərbaycan nümunələri barədə məlumat verdi. Məktəbin direktor müavini A.Quliyev belə tədbirlərin gənclər üçün əhəmiyyətindən danışdı. Sonra tədbir diskussiya şəklində davam etdi.