11 dekabr 2018-ci il tarixdə Mədəniyyət Mərkəzinin tabeliyində fəaliyyət göstərən M.İsmayılov adına diyarşünaslıq evi, N.Nərimanov adına  kitabxana filialıalı ilə birlikdə  “Azərbaycanı dünyaya  tanıdan  şəxsiyyət” adlı anım günü keçirmişdir.

Tədbirdə öncə Azərbaycan Respublikasının  Dövlət Himni səsləndirildi.  Daha sonra Ulu Öndərin xatirəsi bir dəqiqəlik sükütla  yad edildi.  Diyarşünaslıq evinin bədii rəhbəri  Ruhangiz  Ağayeva  Ulu Öndərin  mənalı ömür yolundan, xatirələrindən danışaraq tədbir iştirakçılarını məlumatlandırdı. Qeyd edərək bildirdi ki,  Ulu öndər Heydər Əliyev Azərbaycan xalqı üçün böyük lider idi və o, siyasətə  də elə lider kimi gəlmişdir.  Xalqımız özü də Ulu Öndəri lider kimi qəbul etdi və  30 ildən  çox Azərbaycan dövlətinə başçılıq etdi. Çağdaş tariximizdə Azərbaycana bu qədər böyük bir zaman kəsiyində başçılıq etmiş Heydər Əliyevin dövlətçilik tariximizə qoyub getdiyi irs bu gün də sabah da öyrənilməlidir. Çünki bu irs o qədər zəngindir ki, onu araşdırmaq və lazımı səviyyədə öyrənmək üçün illər tələb olunur.

Sonra isə diyarşünaslıq evinin direktoru Tahirə Qarayeva çıxış etdi. Qeyd edərək bildirdi ki, Heydər Əliyev elə nadir şəxsiyyətlərdəndir ki,  tarix məhz bu cür insanların fəaliyyəti üzərində yaranır. Diyarşünaslıq evinin direktoru  tədbirdə iştirak edən hər kəsə kollektiv adından minnətdarlığını bildirdi.

Tədbir “Türk dünyasının sönməz günəşi” başlıqlı sərgi nümayişi ilə başa çatdı.