Şəki şəhər M.F.Axundzadə adına Mədəniyyət  Mərkəzinin tabeliyində fəaliyyət  gösrtərən Şəki kənd  foklor evi 23 noyabr 2018-ci il tarixində Aşıq Şəmşirin anadan olmasının 125 illiyinə həsr olunmuş   "Aşiq  sənətinə  el  məhəbbəti"   mövzusunda   ədəbi-bədii  kompozisiya  keçirilmişdir.   

Tədbiri giriş sözü ilə foklor evinin müdiri Rəşid  Hüseynov açaraq Aşıq Şəmşirin həyat və yaracılığı barədə məlumat verərək qeyd etdi ki,  Aşıq Şəmşir  1893-cü ildə Kəlbəcər rayonunun  Ağdaban kəndində, el aşığı  Qurban  Ağdabanlının ailəsində dünyaya göz açmış,  saz  havaları ilə qidalanmış,  dəfələrlə evlərində qonaq olan  Dədə Ələsgərin müdrik  kəlamlarından bəhrələnmişdir. Ona görə də Aşıq Şəmşir Azərbaycan aşıq  şeri məkanında  öz məktəbini yarada  bilmiş, aşıq şerinin qoşma, gəraylı, təcnis, müxəmməs, divani və sairə janrlarında ölməz nümunələr yarada bilmişdir.

Daha sonra Şəki kənd tam orta məktəbinin təşkilat işləri  üzrə direktor müavini  Maarif  Pirəliyev Aşıq Şəmşir yaradıcılığında şifahi  xalq ədəbiyyatı nümunələrinin  necə  əks olunmasından danışaraq aşığın bayatılarından nümunələr  söylədi.

Şəki kənd kitabxanasının kitabxanaçısı  Kəmalə  Ağayeva  Aşıq Şəmşirin  el arasında hörmətindən, ağsaqqal kimi söz sahibi  olmasından, xalq şairi  Səməd Vurğunla görüşlərindən danışdı.

Tədbir foklor evi üzvülərinin  və orta məktəb şagirdlərinin  hazırladığı rəngarəng konsert proqramı ilə sona  yetdi.