15 noyabr 2018-ci il tarixdə Aşıq Şəmşirin anadan olmasının 125 illiyi ilə əlaqədar Yengiyan və Kəpənəkçi kənd mədəniyyət evi və kənd kitabxanasının birgə təşkilatçılığı ilə “Qartal vüqarlı, şair xəyallı, tərlan yuva salan dağlar oğluyam” mövzusunda musiqili ədəbi-bədii gecə təşkil olunmuşdur. Tədbirdə Şəki Regional Mədəniyyət İdarəsinin Zaqatala rayonu üzrə məsul işçiləri - rayon Mədəniyyət Mərkəzinin və Zaqatala rayon MKS-nin rəhbərləri iştirak edirdilər. Tədbirdə Yengiyan bələdiyyəsinin sədri X.Şabanova, M.Əliyev, K.Qafulova, M.Qədimova, G.Qurbanova çıxış edərək Aşıq Şəmşirin həyat və yaradıcılığı haqqında məlumat verdilər. Tədbirdə “Qala” ansamblı aşıq və xalq mahnılarından ibarət konsert programı ilə çıxış etdi. Aşıq Şəmşirin şeirləri səsləndirildi. Rəqs  qrupun ifasında xalq rəqsləri ifa olundu.