31 oktyabr 2018-ci il tarixində Qax rayon Heydər Əliyev Mərkəzində Azərbaycanın dahi bəstəkarı Arif Məlikovun 85 illik yubileyinə həsr olunmuş tədbir  keçirildi. Tədbirdə Heydər Əliyev Mərkəzinin kollektivi, Qax rayon Səməd Vurğun adına Mədəniyyət Mərkəzinin və rayon mədəniyyət müəssisələrinin əməkdaşları iştirak edirdi. Tədbiri giriş sözüylə Mərkəzin direktoru Nərminə Omarova açdı. Aparıcı Nazlı Mehdili tədbir iştirakçılarını salamlayaraq,  Arif Məlikov yaradıcılığı haqqında məlumat verdi. Onun incəsənətimizə nə qədər dəyərli musiqi əsərləri bəxş etdiyini xatırlatdı. Arif Məlikovun həyat və fəaliyyəti haqqında mərkəzin bələdçisi Lalə Nəcəfova ətraflı məlumat verdi. Mədəniyyət Mərkəzinin əməkdaşları Xuraman xanım və Əfrayim Yəhyayev Arif  Məlikovun yaradıcılığından mahnılar ifa etdilər. Mərkəzdə fəaliyyət göstərən rəqs müəlliməsi Güllər xanımın şagirdləri ilə hazırladığı “Ağ çiçəyim” rəqsi tamaşaçılar tərəfindən maraqla izləndi. Tədbirdə Arif Məlikova həsr olunmuş video-rolik nümayiş olundu. Mədəniyyət Mərkəzinin əməkdaşı Nuriyyə xanım Arif  Məlikov haqqında ürək sözlərini söylədi. Daha sonra söz Mədəniyyət Mərkəzinin direktoru Kəmalə Məcidovaya verildi. Tədbirin sonunda Nərminə xanım iştirakçılara təşəkkürünü bildirərək  belə tədbirlərin gələcəkdə də  təşkil olunacağını bildirdi.