Zaqatala rayon Mədəniyyət Mərkəzində oktyabrın 17-də Azərbaycan Respublikasının Müstəqilliyinin 27-ci ildönümünə həsr olunmuş “Vahid Azərbaycan” adlı tematik gecə keçirilmişdir. Tədbir Azərbaycan Respublikasının Dövlət Himni ilə açıq elan olunub. Gecəyə giriş sözü ilə başlayan mərkəzin direktoru Aybəniz Heydərova Azərbaycanın inkişafından, Ulu öndər Heydər Əliyevin qurduğu müstəqil dövlətin uğurlu inkişafından danışdı. Gecənin aparıcısı mərkəzin bədii rəhbəri Samirət Hümbətova yeniləşən Azərbaycanın dünənindən, bu günündən, sabahından söz açdı. Dahi Heydər Əliyevin layiqli davamçısı Cənab İlham Əliyevin daxili və xarici siyasətinin uğurlu inkişafından danışdı. Mərkəz və filialların işçilərinin iştirak etdiyi tematik gecəyə Vətəni tərənnüm edən şeir, mahnılarla bu günümüzü düşündürən sual və cavablarla yekun vuruldu.