17 oktyabr 2018-ci il tarixdə M.F.Axundzadənin ev muzeyində muzeyin kollektivi 1 saylı məktəbin müəllim və şagird kollektivi ilə birgə “Müstəqilliyə gedən yol” adlı Dövlət Müstəqilliyi Gününə həsr olunmuş tematik gecə keçirilmişdir.

Tədbiri giriş sözü ilə M.F.Axundzadənin ev muzeyinin direktoru U.Xəlilova açaraq qonaqları salamladı. Sonra muzeyin bələdçisi Kəmalə Ağayeva öz çıxışında: “Biz xoşbəxtik ki, bizim Müstəqil dövlətimiz var. Azərbaycan Respublikası dünya birliyinə, dünya dövlətləri içərisində özünə layiqli yer tutub və Azərbaycan hər yerdə böyük  gələcəyi olan nüfuzlu bir ölkə kimi tanınır. Sonra 1 saylı məktəbin şagirdləri müstəqilliyə, Azərbaycana həsr müxtəlif şer parçaları səsləndirdilər.

Tədbirdən sonra iştirakçılar M.F.Axundzadənin ev muzeyini ekskursiya etdilər.