06 oktyabr 2018-ci il tarixdə  Şəki Regional Mədəniyyət və Turizm İdarəsinin Zaqatala rayonuüzrə yanvar ayı üçün seminar-müşavirəsi keçirilmişdir. Seminarda Şəki Regional Mədəniyyət və Turizm İdarəsinin rəisi Mirvari xanım Zeynalova, regional idarənin məsləhətçiləri Xatirə Səlimli və Dilbazi İsmayılova iştirak etmişlər.  Mirvari xanım Zeynalova iclas iştirakçılarını salamlayaraq görülmüş işlər və keçirilmiş tədbirlər haqqında məlumat verərək Mədəniyyət Nazirliyinin təşəbbüsü ilə Azərbaycan Xalq Cümhuriyyətinin 100 illiyinə həsr edilmiş "Bölgələrdən bölgələrə” yaradıcılıq festivalında fəal iştirak edən Zaqatala rayonunun bir neçə xalq rəqsləri qruplarına Fəxri Fərman təqdim etmiş, onlara yeni-yeni nailiyyətlər arzulamışdır. Mirvari xanım qeyd etmişdir ki, bütün mədəniyyət müəssisələrinin fəaliyyəti daha da canlanmalı, müəssisələrdə yeni iş nümünələrinin tətbiqinə nail olmalı, əhaliyə göstərilən pullu xidmət sahəsinə diqqət artırılmalıdır. Sonra işçilərin üzləşdiyi problemlərlə maraqlanmış və öz tövsiyyələrini vermişdir. Daha sonra Zaqatala rayon Mərəniyyət Mərkəzinin yeni təyin olunmuş direktoru Aybəniz xanımı işçilərə təqdim etmiş və işində uğurlar arzulamışdı. Seminardan sonra Zaqatala rayon xalq teatrının ifasında Əməkdar mədəniyyət işçisi Bayram Qurbanovun quruluşunda “Beş manatlıq gəlin” tamaşaçı nümayiş olundu. Tamaşaçılar tərəfindən maraqla qarşılanan tamaşada rolları Bayran Qurbanov, Gülşad Xəlilova, Qaragöz Məmmədova, Kənan Şıkırov, Nazən Bulacova və Şahin İsayev ifa edirdilər. Tamaşadan sonra regional idarənin rəisi Mirvari xanım Zeynalova xalq teatrının kollektivi ilə səhnə arxasında görüşdü.Onların problemləri ilə maraqlandı. Sonda kollektivlə xatirə şəkli çəkdirdi.

Həmin gün Şəki Regional Mədəniyyət İdarəsinin rəisi Mirvari Zeynalova Mədəniyyət Mərkəzində vətəndaşları qəbul edib, onlarln problemləri və şikayətləri ilə maraqlanıb.