21.09.2018-ci il tarixində Şəki şəhər Heydər Əliyev Mərkəzində Heydər Əliyev Mərkəzinin və MKS-nin 9 saylı kitabxana filialı birlikdə Azərbaycanın xalq yazıçısı İsa Muğannanın (Hüseynov) 90 illik yubileyinə həsr olunmuş “İsa Muğannanın sənəd dünyası” adlı tədbir keçirildi.

Tədbiri giriş sözü ilə Heydər Əliyev Mərkəzinin direktoru Zeynəb Cəfərova açdı. O, qeyd etdi ki, Azərbaycan Respublikası Prezidenti İlham Əliyevin "İsa Muğannanın 90 illik yubileyinin keçirilməsi haqqında" 2018-ci il 31 may tarixli Sərəncamına əsasən görkəmli yazıçının yubileyi ölkəmizin hər yerində silsilə tədbirlərlə qeyd edilməkdədir.

Müasir Azərbaycan ədəbiyyatının parlaq simalarından olan İsa Muğanna öz yaradıcılığı ilə milli bədii fikrin zənginləşməsində mühüm rol oynayıb. İsa Muğannanın Azərbaycan mədəniyyətinin inkişafında səmərəli xidmətləri və çoxillik zəngin bədii yaradıcılığı yüksək qiymətləndirilib. O, Xalq Yazıçısı fəxri adına, orden və medallara, Dövlət mükafatına layiq görülüb, Müstəqil Azərbaycan Respublikasının ali dövlət mükafatı "İstiqlal" ordeni ilə təltif edilib.

Sonra MKS-nin V.İbrahim adına 9 saylı kitabxana filialının müdiri Rüfanə Həsənova çıxış edərək, İsa Muğannanın həyat və yaradıcılığına həsr olunmuş mühazirə oxudu. Mərkəzin elmi işçisi Pərvanə Rəhimova çıxış edərək yazıçının əsərlərindən, senarilərindən danışdı.

Tədbirdə yazıçının həyat və yaradıcılığını işiqlandıran video çarx, ssenariləri əsasında çəkilmiş filmlərdən sujetlər nümayiş olundu.