15 sentyabr 2018-ci il tarixində Mədəniyyət Mərkəzinin tabeliyində fəaliyyət göstərən Ə.Abdullayev adına diyarşunaslıq evində Bilik Günü münasibətilə “Bilik insanı ucaldır” mövzusunda tədbir keçirildi.

Tədbir Azərbaycan Respublikası Dövlət Himni ilə açıq elan edildi. Daha sonra təbrik üçün söz məktəbin direktoru İntizar Abdullayevaya  verildi. İntizar müəllimə qeyd etdi ki, Ulu Öndərimiz H.Əliyevin sözləri ilə desək ”Mən yer üzündə müəllimdən yüksək ad tanımıram. Önündə başlar əyilən, qarşısında bağlı qapı olmayan müəllimdir!” ifadəsini işlədərək Bilik Günü münasibəti ilə 9 saylı tam orta məktəbin müəllim və  şagirdlərini təbrik etmiş, yeni dərs ilində bol-bol uğurlar arzulamışdır. Sonra məktəbin tarix müəllimi Aidə Bilalova çıxış edərək şagird və müəllimlərə  dərs ilində uğurlar arzuladı. Sonra şagirdlərdən  Yeganə Hüseyinova “İlk müəllimim”, Şəhla Yusifli “Müəllim”,  Aqşin Hacıyev “Məktəb yolları” şeirlərini,  6-cı sinif şagirdləri  “Əziz müəllimim” mahnısını ifa etdilər.

Sonda dərs ilinin başlanmasını bildirən zəng səsləndirildi.