Şəki-Zaqatala Regional Mədəniyyət İdarəsinin nəzdində fəaliyyət göstərən mədəniyyət müəssisələrində 12 Avqust – Beynəlxalq Gənclər Günü münasibətilə silsilə tədbirlər keçirilib.

 

Keçirilən tədbirlər çərçivəsində gənclərin cəmiyyətin inkişafındakı rolu, onların yaradıcılıq potensialının üzə çıxarılması və asudə vaxtlarının səmərəli təşkili məsələləri diqqət mərkəzində olub.

 

 Müxtəlif rayonlarda fəaliyyət göstərən mədəniyyət ocaqlarında maarifləndirici görüşlər, sərgilər, musiqili proqramlar və diskussiyalar təşkil olunub.

 

Tədbirlər çərçivəsində gənclərin fəallığının artırılması, milli-mənəvi dəyərlərə bağlılığının gücləndirilməsi və mədəni irsin təbliği istiqamətində fikir mübadiləsi aparılıb.

 

Qeyd edək ki, bu cür tədbirlərin keçirilməsi gənclərin mədəni mühitə inteqrasiyasına və onların yaradıcılıq imkanlarının genişləndirilməsinə töhfə verir.