25 may  2018-ci il tarixində M.F.Axundzadə  adına Şəki şəhər Mədəniyyət Mərkəzinin  tabeliyində  fəaliyyət  göstərən  I  Biləcik kənd  folklor evi, 24 saylı kitabxana filialı və  I Biləcik kənd  tam orta məktəbi  birlikdə   “Güclü Azərbaycan Dövləti” adlı konsert proqramı təşkil etmişdirlər. Tədbir Azərbaycan  Republikasının Dövlət Himni ilə açıq elan olundu.  Daha sonra  I Biləcik  kənd tam orta məktəbinin  müəllimi  Ramiz Bədiyev  Cümhuriyyətin 100 illiyi ilə əlaqədar  geniş məruzə ilə çıxış etmişdir. O bildirmişdir ki,  1918-ci il mayın 28-də  Azərbaycan Cümhuriyyəti yarandı və həmin gün Azərbaycan Demokratik  Respublikası  elan olundu.  Bu gün gənclərin qarşısında bir məqsəd  var.  O da  Vətənimizin  bütövlüyü və  suverenliyini  xalqın birliyi naminə əldə saxlamaqdır.

I Biləcik kənd folklor evinin bədii rəhbəri müğənni  İlham Mazanov  “Azərbaycan” mahnısı ilə tədbir iştirakçılarını salamladı. Məktəbin VII sinif  şagirdləri Nəsibova Aysun “Azərbaycan”, Sona Abdullayeva “Ey  qəhrəman Azərbaycan” XII sinif  şagirdləri Səba Həşimova  “Vətandaş”,  Qumru Əhmədova “Azərbaycanım mənim”, Gülçin Allahverdiyeva “Azərbaycan” şeirlərini səsləndirdilər.  “Çırpınırdı  Qara dəniz” mahnısını    Şəhla, Sona, Səba, Qumru  səsləndirdilər. I Biləcik  kənd folklor evinin bədii rəhbəri İlham Mazanovun ifasında səsləndirilmiş  mahnılar  tədbir  iştirakçıların  zövqünü oxşadı.  Tədbirdə 24 saylı kitabxana filialının müdiri  Məkkə Məmmədova  Azərbaycan Xalq Cümhuriyyətinin 100 illiyi  münasibəti ilə tədbir iştirakçılarını təbrik etdi və  xalqımıza firəvanlıq, əmin-amanlıq arzuladı.

Tədbirin sonunda folklor evinin direktoru Zərnişan Həsənova tədbir iştirakçılarının  diqqətinə onu da çatdırdı ki,  xalqımız üçün  böyük tarixi əhəmiyyətə malik  olan bu müsəqilliyimizi  öz canımız, qanımız bahasına  əldə etmişik.  Tədbir  konsert proqramı ilə  davam etdirildi.