25 may 2018-ci il tarixdə Oxud kənd folklor evində Əhmədiyyə Cəbrayılov adına ümumi orta məktəbin, MKS-nin 56 saylı kitabxana filialının və Oxud kənd folklor evinin birgə təşkilatçılığı ilə Azərbaycan Xalq Cümhuriyyətinin 100 illiyi münasibəti ilə “Azadlıq mübarizənin parlaq səhifəsi” adlı ədəbi bədii gecə keçirildi.

Azərbaycan Respubliasının Dövlət Himni səsləndirildikdən sonra tədbiri Əhmədiyyə Cəbrayılov adına məktəbin direktoru M.İsmayılov açıq elan etdi. O, Demokratik Cümhuriyyətin yaranması haqqında tədbir iştirakçılarına ətraflı məlumat verdi. Tədbirdə kənd ziyalıları müəllimlər və şagirdlər iştirak edirdilər.  MKS-nin müdiri Səlamət Eminova “Şərqin ilk İstiqlaliyyət Günəşi” adlı məruzə ilə çıxış etdi.  Elşad Məmmədov və Aişə Gülməmmədova da Cumhuriyyətlə bağlı maraqlı çıxış etdilər.

 Oxud kənd folklor evinin kollektivi öz çıxışları ilə tədbiri bir az da rövnəqləndirdilər. Kitabxananın fəal oxucularından olan Çinarə Salamlı, İnci Cabbarlı, Xədicə Osmanlı Azərbaycan mahnısını ifadə etdilər. Elvin Yusifli, Xəyal Səlimli və Aslan Qasımovun ifasında əsgər mahnısı səsləndirildi.

Tədbir Məmmədəmin Rəsulzadənin “Bir kərə yüksələn bayraq bir daha enməz” sözləri ilə başa çatdı.