10.07.2024-cü il tarixində Şəki-Zaqatala Regional Mədəniyyət İdarəsinin 2024-cü ilin I-ci yarımili üzrə hesabat iclası keçirilib.

M.F.Axundazədə adına Şəki şəhər Mədəniyyət Mərkəzində keçirilən iclasda, regional idarənin r.v.i.e Nargilə Qafarova, aparat işçiləri və idarənin tabeliyində fəaliyyət göstərən müəssisə rəhbərləri iştirak ediblər.

İclasda, I-ci yarımil üzrə görülmüş işlər o, cümlədən bu il ilk dəfə olaraq mərkəzləşdirilmiş şəkildə həyata keçirilmiş idarənin tabeliyində fəaliyyət göstərən musiqi, incəsənət məktəb və mərkəzlərinə şagird qəbulu imtahanlarının uğurla başa çatdırıldığı diqqətə çatdırılıb.

İdarənin r.v.i.e Nargilə Qafarova qarşıda duran məqsəd və vəzifələrdən,müəssisələrin fəaliyyətinin təkmilləşdirilməsi, eyni zamanda göstərilən mədəni xidmətlərin keyfiyyətinin yüksəldilməsindən bəhs edib, tövsiyələr verib.

İclas müəssisə rəhbərlərinin suallarının cavablandırılması ilə davam edib.