22-23 may 2024-cü il tarixində Şəki şəhər Heydər Əliyev Mərkəzində Mədəniyyət Nazirliyinin təşkilatçılığı ilə "Yaradıcı müzakirələr" layihəsi həyəta keçirilib.

Layihə mədəniyyət və yaradıcılıq sahələrində bacarıqların inkişafını təşviq edən maarifləndirici təşəbbüsdür və yaradıcı subyektlərin formalaşmasını dəstəkləmək məqsədilə həyata keçirilib.

Layihə çərçivəsində 10-dan çox yaradıcı klaster üzrə seminar, ustad dərsləri, tanınmış şəxslərlə görüş və təlimlər təşkil olunub.

Sessiyalar kino, teatr, rəsm, dizayn, xalçaçılıq, kulinariya, animasiya, virtual oyun biznesi, yaradıcı startaplar, fotoqrafiya, musiqi, bədii şüşə sənəti, dəb və digər mövzular üzrə olub.

Qeyd edək ki, 2023-cü ildə Ümummilli lider Heydər Əliyevin 100 illiyi münasibətilə keçirilən layihə çərçivəsində on regionda silsilə maarifləndirici tədbirlər təşkil olunub.