19.04.2024
Dördüncü dəfə keçirilən layihə görkəmli Azərbaycan bəstəkarı, Xalq artisti, Süleyman Ələsgərovun 100 illiyinə həsr olunub.
Fikrət Əmirov adına Gəncə Dövlət Filarmoniyası 15-20 aprel tarixlərində Azərbaycan Respublikası Mədəniyyət Nazirliyinin dəstəyi, Azərbaycan Bəstəkarlar İttifaqı, Azərbaycan Milli Konservatoriyası, Şəki-Zaqatala,Gəncə-Daşkəsən, Mərkəzi Aran, Şirvan-Salyan, Qazax-Tovuz Regional Mədəniyyət İdarələrinin təşkilatçılığı ilə “Xalqın mədəni sərvəti” layihəsini təqdim edir.
Layihənin beşinci günü Şəki şəhər Heydər Əliyev Mərkəzində Süleyman Ələsgərovun yaradıcılığına həsr olunmuş konsert proqramı keçirilib. Konsertdə bəstəkarın bir çox mahnıları səsləndirilib