Avqustun 14-də Qax rayon İçəri Bazar Kompleksində, Qax rayon İcra Hakimiyyətinin dəstəyi və Mədəniyyət Mərkəzinin təşkilatçılığı ilə gənc ifaçı 44 günlük Vətən müharibəsi iştirakçısı Fərid Kərimovun solo konserti təşkil edilib.

Konsert proqramı rayon ictimaiyyətinin iştirak ilə baş tutub. Zərb alətlərində Simran Yusubov, sintizatorda Anar Rüstəmov müşayiət edib. Fərid Kərimovun ifa etdiyi musiqi tövhələri alqışlarla qarşılanıb.

Tamburi ifaçısı Tərlan Məmmədov, sazda Əfqan Nadir oğlunun ifa elədiyi musiqi nömrələri tədbir iştirakçılarına xoş ovqat bəxş edib. İnci art schoolun gimnastika kursunun şagirdləri və rəqs qurupları tədbirə rəng qatıb.

Kansert proqramı Fərid Kərimovun ifasında "Qaxdı mənim cənnətim" musiqi nömrəsi ilə sona çatıb.