Mayın 24-də  Balakən rayon Gərəkli kəndində narkomaniyaya qarşı mübarizə ilə bağlı Balakən rayon İcra Hakimiyyəti, Mədəniyyət Mərkəzi və Təhsil Sektorunun birgə  təşkilatçılığı ilə  Pakizə Hüseynova və Mirzəağa Məmmədovun ssenarisi əsasında səhnələşdirilmiş “Külə dönmüş arzular” adlı tamaşa nümayiş olunub. Mədəniyyət Mərkəzinin  işçisi Bakeyeva Zöhrənin quruluş verdiyi tamaşada rayon mədəniyyət işçiləri, Mədəniyyət Mərkəzinin  könüllüləri, A.Novruzov adına Balakən rayon Humanitar və Texniki təmayüllü liseyin şagirdləri  rol alıblar.
Tamaşadan əvvəl Balakən Rayon İcra Hakimiyyətinin başçısının birinci müavini Dibirov Turan əsrin bəlası olan narkomaniya haqqında geniş məlumat verib.
Mədəniyyət Mərkəzinin əməkdaşı Zöhrə Bakayevaın quruluş verdiyi tamaşada rol alan rayon mədəniyyət işçiləri, mədəniyyət mərkəzinin könüllüləri, A.Novruzov adına Balakən rayon Humanitar və texniki təmayüllü liseyin  şagirdlərinin canlandırdığı obrazlar tamaşaçılar tərəfindən böyük maraqla qarşılanıb.