Martın 7-də 8 Mart Beynəlxalq Qadınlar günü ərəfəsində Oğuz rayon MKS-nin Sincan kənd kitabxanasında Oğuz rayon Sincan kənd şəhidi Məmmədov Turalın anası Məmmədova Aydənizlə görüş keçirilib.

Görüşdə Sincan kənd kitabxanasının və Folklor klubunun işçiləri, şəhid anası və qonaqlar iştirak edib. Əvvəlcə Şəhidlərimizin əziz xatirəsi bir dəqiqəlik sükutla yad edilib. Sonra şəhid anasına bizə bu gözəl günləri bəxş edən şəhid Turalın timsalında bütün şəhidlərə Allahdan rəhmət, əzizlərinə səbr diləkləri çatdırılıb.

Turalın xoş xatirələri bir daha fəxrlə, qürurla xatırlanıb. Şəhid anası göstərilən qayğıya, ehtirama, hörmətə görə Sincan kənd kitabxanasına minnətdarlığını bildirib.

Allah bütün şəhidlərimizə rəhmət eləsin, ruhları şad, məkanları cənnət olsun.