Dekabrın 21-də Səməd Vurğun adına Qax rayon Mədəniyyət Mərkəzinin təşklatçılığı ilə  Qaxingiloy kənd Mədəniyyət evində “Zəfərin  mübarək,  Azərbaycanım”  adlı ədəbi-bədii gecə keçirilib. 
Tədbirdə Şəki Regional Mədəniyyət İdarəsinin rəisi Azər Yusubov, rayon  ictimaiyyətinin nümayəndələri, mədəni-maarif müəsisələrinin  işçiləri, ziyalılar,  orta məktəb müəllimləri və  gənclər iştirak edib.
İştirakçılar öncə mədəniyyət evinin foyesində Qax rayon Uşaq İncəsənət məktəbinin təsviri incəsənət şöbəsinin şagirdlərinin rəsmlərindən ibarət sərgiylə tanış olublar.
Tədbir Uşaq İncəsənət məktəbinin nağara müəllimi İlham Nəzirovun rəhbərliyi ilə "Nağaracalanlar" ansamblının ritimləri ilə  başlayıb və  Sahib Şərifovun rəhbərlik etdiyi  “Çeşmə” instrumental ansamblının çıxışı ilə davam edin.
Tədbirdə II Qarabağ müharibəsının iştirakçıları Fərid Kərimovun, Niyazi  Mirzəbəyovun, “Xalq ulduzu” yarışmasının iştirakçısı Arzu Dunusovanın,  “Simurq” mükafatının laureatı Xuraman Camalovanın, Əfrayım Yəhyayevin ifa etdiyi mahnılar alqışlarla qarşılanıb.
Azad Şuşamızda keçirilən “Xarıbülbül” festivalının iştirakçısı olmuş  Qaxingiloy kənd Mədəniyyət evinin “Şvidkasso” Gürcü Xalq  xorunun, “İmedi” rəqs kollektivinin, Ağyazı kənd mədəniyyət evinin “Samur” folklor  kollektivinin və  İncəsənət məktəbinin “Tumurcuq” rəqs kollektivinin çıxışları tədbirə xüsusi ahəng qatıb.
İ.Dağıstanlı adına Xalq teatrının aktyorlarının ifasında Azadə Talehin “Xarıbülbül” əsərindən  bir hissə göstərilib.
Tədbir Lalə İlyasovanın ifasında tədbir iştirakçıları ilə birgə “Qarabağ Azərbaycandır” mahnısı   ilə yekunlaşıb.
Sonda Şəki Regional Mədəniyyət İdarəsinin rəisi Azər Yusubov və
Rayon İcra Hakimiyyəti başçısının müavini Vəfa Heydərova çıxış edərək tədbirin  təşklatçılarına minnətdarlıqlarını bildiriblər.
Sonda xatirə şəkli çəkilib.