14.10.2022
Azərbaycan tarixən müxtəlif xalqların , etnik qrupların yaşayış məskəni olmuş, onlar əsrlər boyu azərbaycanlılarla qardaşlıq ailəsində yaşamışlar.
Bu gün də Oğuz rayonunda müxtəlif millətlərin nümayəndələri yəni udilər, ləzgilər, yəhudilər, ruslar, məhsəti türkləri, avarlar, kkürdlər və tatarlar yaşayırlar.
Oktyabrın 14-də Oğuz rayon tarix-diyarşünaslıq muzeyinin təşkilatçılığı ilə “Oğuz rayonu multikultural dəyərlər və tolerantlıq nümunəsidir” mövzusunda rayon Həbib Babayev adına 1 saylı tam orta məktəbin VIII sinif şagirdləri üçün rayondakı qədim yəhudi sinaqoqlarına ekskursiya təşkil edilmiş və azsaylı xalqlara həsr olunmuş tarix dərsi keçirilmişdir.
Oğuz rayonundakı azsaylı xalqlar onların Oğuz rayonunda məskunlaşması tarixi, adət-ənənələri, mətbəxi və Oğuzdakı qeyri millətlərlə qardaşlıq münasibətləri haqqında muzeyin direktoru Arizə Xudiyeva ətraflı məlumat vermişdir. Diskussiya şəklində keçirilən dərsin sonunda məktəblilərin sualları, onları maraqlandıran bir çox məsələlərə aydınlıq gətirilmiş, suallar cavablandırılmışdır.