Qax rayon MKS-nin 2 və 4 saylı kitabxana filialları və 1 nömrəli şəhər mədəniyyət evi  birlikdə Xurşudbanu Natəvanın 190 illiyi ilə əlaqədar "Zamanın yaddaşından silinməyən şairə" adlı ədəbi-bədii gecə keçirmişdir. 

Tədbirdə Azərbaycan mədəniyyətində və ictimai həyatında dərin izlər qoymuş, sənət və ədəbiyyat aləmində Azərbaycan klassik ənənələrindən bəhrələnmiş , bunları öz poeziyasında uğurla davam etdirmiş, Qarabağ xanlarının vərəsəsi sayılan Şairə Xurşudbanu Natəvanın həyat və yaradıcılığından geniş şəkildə məruzə dinlənilmişdir. 

 Kitabxana müdiri Muradova Yasəmən şairənin ədəbi yaradıcılığı, gördüyü xeyriyyə işləri ilə yadda qaldığını qeyd etmişdir.

Tədbirin sonunda kitabxana əməkdaşı Aygül Rəhimli Səməd Vurğunun şairəyə həsr etdiyi  "Natəvan" şeirini səsləndirmişlər.