Avqustun 16-da Şəki Regional Mədəniyyət İdarəsinin, MİHİ-nin Şəki rayon komitəsinin və Bəxtiyar Vahabzadənin ev muzeyinin birgə təşkilatçılığı ilə dahi şairimiz Bəxtiyar Vahabzadənin doğum  günü qeyd edilmişdir.
 İlk öncə  Şəki Regional Mədəniyyət İdarəsinin rəhbərliyi, şəhər ictimaiyyətinin nümayəndələri və mədəniyyət işçiləri tərəfindən Şəki şəhər Bəxtiyar Vahabzadə adına  istirahət  parkında yerləşən şairin büstü önünə gül  dəstələri düzülmüşdür.
 Daha sonra tədbirin ədəbi-bədii hissəsi B.Vahabzadənin ev muzeyində davam etmişdir.Tədbirdə Azərbaycanın müxtəlif rayonlarından gəlmiş qonaqlar, şairlər, şəhər ictimaiyyəti və gənclər iştirak etmişdirlər.
 Ədəbi-bədii hissədə məktəblilər mərhum şairin şeirlərini səsləndirərək tədbirə rəng qatmışdırlar.
  Sonra Şəki Regional Mədəniyyət İdarəsinin rəisi Azər Yusubov, Bəxtiyar Vahabzadənin ev muzeyinin müdiri Elşən Zəkəriyyəbəyli, MİHİ-nin Şəki rayon komitəsinin təlimatçısı Nəzakət Əliyeva, hüquqşunas İkram Abdullayev, şair Musa Həşimov, rejisor Elvin Nuri və filologiya elmləri üzrə fəlsəfə doktoru Qiymət Məhərrəmli  və başqaları çıxış etmişdirlər.Natiqlər çıxışlarında şair  haqqında öz fikirlərini, ədiblə xatirələrini və fəlsəfi  yaradıcılığını tədbir iştirakçıları ilə bölüşmüşdürlər. 
 Tədbirdə iştirak edən qonaqlar muzeyə müxtəlif hədiyyələr təqdim etmişdirlər.
  Tədbirin aparıcıları Dilbər Yaqubova və Şəfəq Xəlilova tədbir boyu şairin yaradıcılığına aid numunələri musiqiçilərin  ifaları fonunda səsləndirmişlər.