28.07.2022
İyulun 27-də Qax şəhər Heydər Əliyev Mərkəzində Qax rayon Mədəniyyət Mərkəzi və H.Əliyev Mərkəzinin birgə təşkilatçılığı ilə “Ölümsüzlüyə ucalanlar” devizi altında şəhid ailələri, qazilər və vətən müharibəsi iştirakçıları ilə görüş keçirilmişdir..Rayon ictimaiəttinin nümayəndələri, şəhid ailələri, qazi və müharibə iştirakçılarının qatıldığı tədbir Azərbaycanın haqq işi uğrunda şəhid olmuş vətən oğullarının xatirəsini bir dəqiqəlik sükutla yad etməklə başlamışdır.Tədbirin aparıcısı Mədəniyyət Mərkəzinin mədəni təşkilatçısı Vüsalə Mustafayeva 44 günlük Vətən müharibəsində rəşadət göstərərək, şəhadətə yüksəlmiş Qax şəhidləri haqqında məlumat vermişdir..Heydər Əliyev Mərkəzinin direktoru Nərminə Omarova, Şəlalə qəzetinin baş redaktoru Xavər Əfəndiyeva, YAP Qax rayon təşkilatının sədri , şəhid qardaşı Natiq Allahverdiyev, S.Vurğun adına Qax rayon Mədəniyyət Mərkəzinin direktoru Kəmalə Məcidova, Şəki Regional Mədəniyyət İdarəsinin Qax rayon üzrə məsləhətçisi Dilarə Əzizova, Heydər Əliyev Mərkəzinin əməkdaşı Arzu Dunusova çıxışlarında şəhid olmuş Vətən oğullarınına dərin hörmət və ehtiramlarını ifadə etdilər. Vətən müharibəsi qazisi Elnur Mustafayev,vətən müharibəsi iştirakçısı Fərid Kərimov çıxışlarında cəbhə yoldaşlarını yada salmış, şəhidlərimizə rəhmət, qazilərimizə isə can saglığı arzu etmişlər.Şəhid Asəf Ağayevin və şəhid Anar Qarayevin atası çıxış edərək tədbirin təşkilatçılarına minnətdarlığının bildirdilər.
Nümayiş olunan videoçarxlar və poeziya nümunələri tədbir iştirakçılarında kövrək anlar yaşatmışdır. S.Vurğun adına Qax rayon mədəniyyət Mərkəzində fəaliyyət göstərən İ.Dağıstanlı adına Xalq Teatrının akryorları Azadə Taleh Abbasqızının qələmə aldığı “Xarı bülbül” dramından təqdim etdikləri bir parçada Xanqızı Natavanın qələbə sevincini və xarı bülbülün həsrətini dolğun şəkildə tamaşaçılara təqdim etdilər. Tədbirdə yekun sözü ilə çıxış edən RİH başçısının müavinin Vəfa Xanım Heydərova qələbənin bitirdiyi 30 illik torpaq həsrətindən, zəfərə aparan uğurlu dövlət siyasətindən, ordu quruculuğundan, prezident , xalq , ordu birliyindən geniş söhbət açaraq, şəhid ailələrinin , qazi və müharibə iştirakçılarının daimi dövlət tərəfindən hərtərəfli diqqət və qayğı ilə əhatələndiyini vurğulamışdır.
Sonda şəhid ailələri, qazilər və vətən müharibəsi iştirakçıları ilə xatirə şəkilləri çəkilmişdir.