M.F.Axundzadə adına Şəki şəhər Mədəniyyət Mərkəzinin tabeliyində fəaliyyət  göstərən  Ələsgər Abdullayev adına şəhər diyarşünaslıq evində  Milli Mətbuat   Günü  münasibəti ilə “Qələmin güclü olsun”  mövzusunda  mühazirə keçirilmişdir.

Tədbirdə 9 saylı  tam orta məktəbin müəllimi, şagirdlər və diyarşünaslıq evinin kollektivi iştirak etmişdir.  Öncə 44 günlük Vətən müharibəsində Şəhidlik zirvəsinə yüksələn  jurnalistlərin əziz xatirəsi sükutla yad edildi. Ardınca 9 saylı  tam orta məktəbin müəlliməsi Bilalova Aida müəllimə milli  mətbuatın yaranması  mövzusunda çıxış edərək bildirdi ki, 1875-ci ilin 22 iyulunda  görkəmli  maarifçi, publisist,  mütəfəkkir  Həsən bər Zərdabinin  əsəsını qoyduğu  “Əkinçi” qazeti  xalqımızın milli  oyanışında  yeni səhifə  açmışdır. Vətənpərvər ziyalı  Həsən bəy Zərdabi  böyük əzab-əziyyətdən sonra  ana dilində ilk qəzetin çapına  nail olmuşdur. Qəzetin ilk sayı 1875-ci ilin iyulun 22-də işıq üzü  gördü. Bununla Azərbaycan mətbuatının əsəsi qoyuldu. “Əkinçi” qəzeti  xalqımızın milli oyanışında, milli birliyin möhkəmlənməsində böyük rol oynadı. Bu gərgin mübarizə nəticəsində  “Molla Nəsrəddin”, “Şərqi-Rus”, “Həyat”, “Həyat”, “Açıq söz”, “Azərbaycan”  kimi  demokratik  ruhlu,  milli qayəli qəzetlər  meydana çıxdı. Azərbaycan mətbuatı indi özünün  yüksəliş mərhələsini  yaşayır. O, çıxışının sonunda peşə  bayramını  qeyd edən mətbuat işçilərini  və jurnalistləri təbrik edir, işlərində  uğurlar arzumışdır.

 Sonda şagirdlər Şəhid jurnalistlərə  həsr olunmuş şeirlər söylədilər.