İyulun 5-də Paşan kənd kitabxana filialı və Paşan kənd orta məktəbinin birgə təşkilatçılığı ilə "Zərərli vərdişlərə yox deyirik" adı altında narkomaniyaya qarşı mübarizəyə həsr olunmuş tədbir keçirilmişdir.

Narkotik maddələrin gənclər və yeniyetmələr arasında daha çox yayılma təhlükəsini dilə gətirən​ Paşan kitabxanaçısı Naimə Kiçniyeva çıxışında narkotik və psixotrop maddələrin bəşəriyyətə böyük zərbə vurduğunu insanların həyat və sağlamlıqlarına ciddi təhlükə yaratdığını bildirdi.
Digər çıxışlarda isə  narkomaniyaya qarşı dövlət tərəfindən aparılan mübarizə tədbirləri haqqında da geniş məlumat verildi.