Zaqatala rayon Heydər Əliyev mərkəzində "Qarabağın Tutusu" ləqəbi ilə tanınan Ruxsarə xanım  Cumayevaya həsr olunmuş  "Keçmişi xatırladan qatar" adlı filmin təqdimatı olmuşdur. Təqdimat Zaqatala rayon İcra Hakimiyyəti aparatının "Vətən müharibəsi iştirakçıları və şəhid ailələri ilə işin təşkili şöbəsi"nin müdiri Anar Seyidovun, "Şəhid anaları" ictimai birliyinin sədri

Ceyran Həsənovanın, Gün TV-nin rəhbəri , filmin ssenari müəllifi ve rejissoru Mehriban Sadıqovanın, ictimaiyyət nümayəndələrinin, ziyalıların, şəhid ailələrinin, qazilərin, hərbçilərin iştirakı ilə baş tutmuşdur.
Azərbaycan Respublikasının Dövlət Himninin  səsləndirilməsi ilə başlanan tədbiri giriş sözü ilə  Mərkəzin direktoru Famil Rəhimov  açıq elan etmişdir. Tədbir iştirakçıları açılışdan sonra ölkəmizin ərazi bütövlüyü uğrunda şəhid olmuş qəhrəmanlarımızın əziz xatirəsini bir dəqiqəlik sükutla yad etmişdir. Çıxış edən bütün natiqlər Rüxsarə Cumayevanın ömür səhifələrinin çox gözəl və professional səviyyədə lentə alınmasına görə yaradıcı heyətə öz təşəkkürlərini bildirmişlər.