Şəki şəhər Heydər Əliyev Mərkəzində Şəki MKS-nin 9 nömrəli kitabxana filialı “Milli Qurtuluş günü”nə həsr olunmuş mühazirə keçirmişdir. Mühazirə Azərbaycan Azərbaycan Respublikasının Dövlət Himni ilə başladı. 
Sonra MKS-nin 9 nömrəli kitabxana filialının müdiri Rüfanə Həsənova “Milli Qurtuluş Günü”nə həsr olunmuş mühazirə ilə çıxış edərək, Azərbaycan xalqı üçün əlamətdar olan tarixi gün haqqında məlumat verdi.  Qeyd etdi ki, məhz həmin tarixdə ümumilli lider böyük fədakarlıq göstərərək, müstəqil və vahid Azərbaycan uğrunda çox çətin və məsuliyyətli, eyni zamanda tarixi missiyanı öhdəsinə götürüb, dahi rəhbər ölkəmizi düçar olduğu ağır böhrandan, məşəqqətli günlərdən xilas edərək, milli suverenliyə gedən böyük yolun siyasi konturlarını müəyyənləşdirib.
Heydər Əliyevin inkişaf strategiyası bu gün möhtərəm Prezidentimiz İlham Əliyev tərəfindən uğurla həyata keçirilir. Hazırda Azərbaycan dünyada söz sahibi olan dövlətlərdəndir. İkinci Qarabağ müharibəsində qazandığımız qələbə Azərbaycanın dünya birliyindəki reytinqini daha da artırıb. Əsası ulu öndər Heydər Əliyev tərəfindən qoyulan ordu quruculuğu daha da inkişaf etdirilmişdir və bu gün dünyanın ən güclülərindəndir. Rəsadətli ordumuz bu qəhrəmanlığı Vətən müharibəsində 44 gün ərzində düşməni darmadağın etməklə dünyaya sübut etdi. Bütün bu uğurlar 15 İyun – Milli Qurtuluş Gününün Azərbaycana töhfələridir.