Azərbaycanın azadlığı, müstəqilliyi və torpaqlarının bütövlüyü naminə öz əziz canlarını fəda edən və ali məqama-şəhidlik zirvəsinə ucalan şəhidlərimizin ruhunu şad etmək, daim yaşatmaq məqsədilə 26 may 2022-ci il tarixdə Oğuz rayon Sincan kəndində şəhidlərin xatirəsini əbədiləşdirmək məqsədilə inşa edilən abidə-bulaq kompleksinin açılışı olub.  Tədbirdə Oğuz rayon İcra Hakimiyyəti, Sincan kənd kitabxana və Folklor klubu, Sincan və Tərkəş kənd məktəbləri, Sincan kənd Uşaq bağçası, kənd ictimaiyyəti və Şəhid ailələri iştirak etmişdirlər.

Oğuz rayon İcra Hakimiyyətinin başçısı Eyvaz Qurbanov çıxış edərək, Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Zəfərlə başa çatan 44 günlük Vətən müharibəsində qazanılan Qələbənin tarixi əhəmiyyətindən, şəhidlərin şərəfli döyüş yollarından danışıb, onların əziz xatirələrinin heç bir zaman unudulmayacağını vurğulayıb.

Şəhid atalarından Məmmədov Arif və Nuralıyev Rövşən çıxış edərək bulağın inşasında Şəhidlərin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya, rayonunun icra başçısına minnətdarlıq bildiriblər.

Sonda Sincan kənd kitabxanasının fəal oxucularının ifasında ədəbi bədii kompozisiyaya baxılmışdır.