Zəyəm kənd folklor evi və Zəyəm kənd kitabxanası “2022-ci il Şuşa İli” ilə əlaqədar “Şuşanın mədəni irsi” mövzusunda tədbir keçirilmişdir.

İlk olaraq Qarabağ şəhidlərinin xatirəsi bir dəqiqəlik sükutla yad edilmişdir. Tədbirdə Zəyəm kənd orta məktəbinin şagirdlərindən Leyla Ramazanlının “Şuşa sən azadsan”, Elena Yusiflinin “Salam Şuşa”, Nazlı Aslanın ifasında “Xudayar” şeirləri səsləndirilmişdir. Şuşa qazisi, Zəyəm kənd orta məktəbinin tarix müəllimi Təbriz Dərgahlı öz döyüş xatirələrini tədbir iştirakçıları ilə bölüşmüşdür.

Tədbirdə Qazi Fərid Kərimovun ifa etdiyi mahnılar və məktəblilərin hazırladıqları “Sarı gəlin” və “Uzun dərə” rəqsləri hər kəsdə xoş ovqat oyatmışdır.