Qara Qarayev adına Mərkəzi İncəsənət Məktəbi tərəfindən Şəki şəhər Uşaq İncəsənət Məktəbində musiqi məktəblərinin fortepiano ixtisası üzrə müəllimlərinin bilik, bacarıq və peşə səriştələrinin artırılması üzrə ustad dərs təşkil olunub. Dərsdə Şəki, Oğuz və Qax məktəblərinin fortepiano müəllimləri və şagirdlər iştirak ediblər.

Ustad dərsi aparan Qara Qarayev adına Mərkəzi İncəsənət Məktəbinin dərs hissə müdiri Mənsurə Quliyeva iştirakçıların diqqətinə çatdırıb ki, ustad dərslər uşaq, yeniyetmə və gənclərin ifaçılıq qabiliyyətinin inkişaf etdirilməsi, yaradıcılıq bacarıqlarının düzgün istiqamətləndirilməsində müsbət rol oynayır. Bu dərslərin keçirilməsində əsas məqsəd tədrisin keyfiyyətinin yüksəldilməsinə, şagirdlərin bacarıq və qabiliyyətlərinin inkişaf etdirilməsinə nail olmaqdır.

Sonra M.Quliyeva əsərlər üzərində təhlil göstərərək müəllimlərə öz tövsiyələrini verib.

Ustad dərs başa çatdıqdan sonra müəllim və şagirdləri maraqlandıran suallar cavablandırılıb.