Zaqatala rayon Mədəniyyət Mərkəzində Ümumdünya Uşaq Hüquqları gününə həsr olunmuş “Dünya bizim evimizdir” mövzusunda teatrlaşdırılmış uşaq səhərciyi keçirilmişdir. Tədbiri giriş sözü ilə Mədəniyyət Mərkəzinin direktoru Aybəniz Heydərova açdıqdan sonra Şəhidlərimizin ruhu bir dəqiqəlik sükutla yad edilmişdir. Daha sonra Azərbaycan Respublikasının Dövlət himni səsləndirildi. Tədbirdə Şəhid ailələri, Vətən müharibəsi qaziləri, Ağdam rayon 152 saylı köçkün tam orta məktəbinin müəllim və şagird kollektivi, şəhər 1 saylı uşaq baxçasının kollektivi, Mərkəzləşdirilmiş Kitabxana Sistemi və Zaqatala Dövlət Qoruğunun iş kollektivi iştirak etmişdir.