Zəfər günü ilə əlaqədar Balakən rayon Mədəniyyət Mərkəzinin təşkilatçılığı ilə Heydər Əliyev adına Mədəniyyət və İstirahət parkında "Qarabağ Azərbaycandır!" başlığı altında tədbir təşkil olunmuşdur.

  Tədbirdə rayon ictimaiyyəti, şəhid ailələri, I və II Vətən müharibəsinin qaziləri və könüllü gənclər iştirak etmişdir. İtitala kənd folklor evinin metodisti Qürbət Muradov "8- Noyabr", Hənifə kənd diyarşunaslıq evinin metodisti Kəmalə Qurbanova "Azərbaycan",  Mədəniyyət Mərkəzinin bədii rəhbəri Tural Kərimov "Sən qalibsən Azərbaycan", bədii qiraət dərnəyinin üzvləri Səadət Çeerçiyeva "Gözün aydın Azərbaycan",Rəqsanə Rəhmanova "Qalibdir ordumuz",1 saylı şəhər sənətkarlıq klubunun müdiri qazi Turan Musayev isə tərəfindən özünün yazdığı "Zəfər səninlədir Azərbaycan" adlı vətənə və zəfər tariximizə həsr edilmiş şeirlər  səsləndirildi.

     Daha sonra Mədəniyyət Mərkəzinin mədəni-təşkilatçısı Elman Əzimov "Qələbəyə gedən yollar",Talalar kənd sənətkarlıq evinin bədii rəhbəri Rasim Alqayev "Xudayar" təsnifi, Mahamalar kənd folklor evinin bədii rəhbəri Burhan Rəşidov və Gülanə Hacıyeva "Qarabağ", Havva Anqubazova tərəfindən "Əyilməz bir ordu" mahnıları ifa olundu. "Nənələr" ingiloy folklor kollektivi və "Cahan" xalq kollektivi tərəfindən rəqslər nümayiş olunmuşdur. Rəhmanov Əfqan və Xalayev Əli tamburda Zəfər gününə həsr edilmiş haylalar ifa etmişdilər.

     Tədbirin sonunda milli rəqs nümayiş olunmuşdur.