Şəki Heydər Əliyev Mərkəzi Şəki şəhər 6 nömrəli tam orta məktəbdə Azərbaycanın torpaqları uğrunda başlatdığı və qələbəylə sonlandırdığı vətən müharibəsində işğaldan azad olunmuş rayonlarımız, xüsusilə Laçın rayonu haqqında mühazirə təşkil etmişdir.
Tədbir Vətən müharibəsi şəhidlərinin ruhunun bir dəqiqəlik sükutla yad edilməsi ilə başladı.
  Tədbirdə çıxış edən Mərkəzin elmi işçisi Cəfərova Zeynəb işğaldan azad olunmuş Laçın rayonu haqqında geniş məlumat verdi və bildirdi ki, müstəqillik tarixində 27 illik yol qət edən Azərbaycanın bu günündən dünəninə diqqət yetirəndə ümummilli lider Heydər Əliyevin xidmətlərinin miqyası, bu günümüz və gələcəyimiz üçün hazırlanmış inkişaf strategiyasının əsl mahiyyəti daha aydın görünür. Ulu öndər Heydər Əliyevin "Biz bu çətin günləri keçib gedəcəyik, müstəqil Azərbaycan Respublikası dünya birliyində öz layiqli yerini tutacaq, hər bir Azərbaycan vətəndaşı özünün bu müstəqil dövlətə mənsub olduğunu böyük qürur hissi ilə bəyan edəcəkdir" fikirləri də Azərbaycanın sabahına olan inamdan irəli gəlmişdir.  

   Sonda 44 günlük vətən müharibəsinə həsr olunmuş videoçarx nümayiş olunmuşdur.