Oğuz rayon Tarix-diyarşünaslıq muzeyi  “Unutmaq olarmı Sizi Şəhidlər?” adlı   yürüş keçirmişdir. Keçirilən yürüşdə Vətən uğrunda şəhid olan igidlərimimzin xatirəsini əziz tutmaq və onların hər daim qəlbimizdə yaşadıqlarını xatırlatmaqdır. Yürüş  iştirakçıları  Oğuz şəhidlərinin dəfn olunduqları  məzarlıqları tək-tək ziyarət etmişlər.    Yürüşə start Oğuz rayon Tarix-diyarşünaslıq  muzeyindən  verilmiş, ilk  ziyarət olunan məzarlıq  Xaçmaz  Şəhidlər Xiyabanı olmuşdur.  Xaçmaz Şəhidlər Xiyabanında uyuyan  I və II Qarabağ  şəhidlərinin  hər  birinin qəbri ziyarət olunmuşdur.

    Sonra yürüş Sincan, Padar, Dəymədərə, Xalxal, Xalxalqışlaq, Baş Daşağıl, Muxas, Bucaq , Calud kəndlərinin və Oğuz rayonun şəhid məzarlarının ziyarət olunması ilə başa çatmışdır. Yürüşün keçirilməsində həm də  məqsəd şəhidlərin şəxsi əşyalarını toplayaraq   “Şəhidlər ölməz, Vətən bölünməz!” adlı ekspozisiyada nümayiş olunmasını təşkil etməkdir.