Qaravəli kənd Diyarşünaslıq evi 8 noyabr Zəfər gününə həsr edilmiş "Qarabağ Zəfəri şanlı tariximizdir" başlığı altında tədbir keçirmişdir.Tədbirdə ll Qarabağ müharibəsinin iştirakçıları, kənd icra nümayəndəsi, Qaravəli tam orta məktəbinin yuxarı sinif şagidləri və kənd sakinləri iştirak etmişdir.

   Tədbir şəhidlərimizin xatirəsini bir dəqiqəlik sükutla yad edildi. Diyarşünaslıq evinin rəhbəri U.Gondolova çıxışında qeyd etdi ki, Ali Baş Komandan İlham Əliyevin başçılığı altında əks hücum əməliyatlarına başlayan Azərbaycan Ordusu 44 gün ərzində qalib gələrək düşməni diz çökməyə vadar etdi. Biz müharibəni zəfərlə başa vuraraq igid ogullarımızın sayəsində 30 illik işğala son qoyduq.

    Tədbirdə çıxış edən kənd icra nümayəndəsi R.Gondolov bildirdi ki, müharibə başlayan zaman  cəbhəyə könüllü gedən oğullarımız bizim başımızı uca etdi və əzmlə vuruşaraq qələbə ilə geri döndülər.

    Tədbirə qatılan məktəblilər də Zəfər gününə həsr olunan şeirlər söylədilər.Sonda ll Qarabağ müharibəsinin iştirakçılarından  Manaf Abdurahmanov, Fəzail Gondolov və Sərxan Alqayev çıxış edərək bildirdilər ki, vətəni qorumaq hər bir Azərbaycan  gəncinin  müqəddəs borcudur.