Balakən rayonu Qaravəli kənd Diyarşünaslıq evinin əməkdaşları ll Qarabağ müharibəsinin şəhidi Şabanov Fuad Rasim oğlunun anım günü ilə əlaqədar şəhidin ailəsini və məzarını ziyarət ediblər.

     Fuad Şabanov ll Qarabağ müharibəsi başlayan zaman könüllü olaraq ordu sıralarına qatılıb və Cəbrayıl və Füzuli rayonlarının azad olunması uğrunda gedən döyüşlərdə fəal iştirak edib. Oktyabrın 25-də Füzuli uğrunda gedən döyüşlər zamanı şəhidlik zirvəsinə ucalıb. Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamlarına əsasən Fuad Şabanov ölümündən sonra “Cəbrayılın azad olunmasına görə”, "Füzulinin azad olunmasına görə” və "Vətən uğrunda" medalları ilə təltif  edilmışdir.