07 may 2018-ci il tarixdə M.İsmayılov adına diyarşünaslıq evi, N.Nərimanov adına 8 saylı kitabxana filialı ilə birgə 9 May faşizm üzərində Qələbənin 73-cü ildönümü ilə əlaqədar “Vətən oğulları” adlı ədəbi kompozisiya təşkil edilmişdi. Tədbirdə aparıcı  Abdurəhmanlı Nurcan 1941-1945-ci il Böyük Vətən Müharibəsinin başlanması və  müharibədəki  qələbəmiz  haqqında  məlumat  verdi: “1941-ci il iyunun 22-də faşist  Almaniyası SSRİ üzərinə hücumu ilə Azərbaycanın da daxil olduğu Sovet İttifaqı ölüm-dirim müharibəsinə qoşulmuş tarixə Böyük Vətən Müharibəsi kimi tanınan müharibə  başlanmışdır. Qəhrəman oğullarımız Həzi Aslanov, Mehdi Hüseyinzadə, Hüseynbala Əliyev, İsrafil Məmmədov və başqaları həmin çətin illərdə Vətən qarşısında, xalq qarşısında vətəndaş - əsgər borcunu vicdanla yerinə yetirdilər. Sonra Milli Qəhrəmanlara həsr olunmuş sərgiyə baxış keçirildi. Sonda 19 saylı tam orta məktəbin şagirdləri qələbəyə, Vətənə aid şeirlər səsləndirdilər.