Qax rayonunda II Qarabağ Müharibəsinin şəhidi Ramil Abbasovun doğum günü münasibətilə xatirəsinə inşa edilmiş bulağın açılışı olub.

Tədbirdə Rayon İcra Hakimiyyətinin Başçısı Musa Şəkiliyev, hüquq-mühafizə orqanların rəhbərləri, şəhidin döyüş yoldaşları, mədəniyyət işçləri, içtimaiyyət nümayəndələri iştirak ediblər. Əvvəlcə şəhidin məzarı ziyarət olunub, üzərinə çiçəklər düzülüb, şəhidlərin ruhu bir dəqiqəlik sükutla yad edilib.

Açılişda Rayon İcra Hakimiyyətinin başçısı Musa Şəkiliyev çıxəş edərək, Vətən Müharibəsində övladlarını itirmiş bütün valideynlərə səbr diləyib. Çıxışda ordu xalq birliyi nəticəsində, Ali Baş Komandanın “Dəmir yumruq” əməliyyatının zəfərlə başa çatmasında belə igidlərin əvəzsiz rolu olduğu xüsusi qeyd edilib.

Sonra kənd məktəbinin şagirdləri vətənpərvərlik ruhunda və şəhidlərə həsr olunmuş şeirlər səsləndiriblər.