Zaqatala rayon Mədəniyyət Mərkəzində "Zəfər yazan qəhrəmanlar" mövzusunda tədbir keçirilib.

Tədbirdə müqəddəs torpaqlarımızın işğaldan azad edilməsi uğrunda şəhid olan Vətən övladlarının əziz xatirəsi bir dəqiqəlik sükutla yad edilib. Sonra Mədəniyyət Mərkəzinin direktoru Aybəniz Heydərova mövzu ətrafında məruzə ilə çıxış edib. Məruzədə Müzəffər Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusunun 44 günlük Vətən müharibəsində qazandığı tarixi zəfər haqqında geniş məlumat verilib. Şanlı qələbənin qazanılmasında gənc nəslin əvəzsiz rolu olduğu xüsusi vurğulanıb. Vətən müharibəsinin tariximizin ən parlaq səhifəsi olduğu qeyd edilib.

Tədbir döyüşlərdə qəhrəmanlıq nümunəsi göstərərək əbədiyyətə qovuşan1-ci və 2-ci Qarabağ müharibəsi şəhidlərinin məzarlarının ziyarət edilməsi ilə başa çatıb.