Sentyabrın 29-u Şəki şəhər Uşaq İncəsənət məktəbində ənənəvi tədrisə start verilib.

İlk dərs Azərbaycan Respublikası Nazirlər kabinetinin “Azərbaycan Respublikasında fəaliyyət göstərən təhsil müəssisələrində 2021/2022-ci tədris ilində təlim-tərbiyə prosesinin təşkili ilə bağlı bəzi məsələlər haqqında” 2021-ci il 10 sentyabr tarixli 259 nömrəli qərarına əsasən Azərbaycan Respublikasının digər dövlət rəmzləri ilə yanaşı Azərbaycan Respublikasının Dövlət
Himninin öyrənilməsinə, Azərbaycan xalqının ümummilli lideri Heyder Əliyevin həyat və
fəaliyyatinə, Azərbaycan Respublikasının Prezidenti, Silahlı Qüvvələrin Ali Baş Komandanı
İlham Əliyevin rəhbərliyi altında Şanlı ordumuzun 44 günlük Vətən müharibəsindəki tarixi
qələbəsinə həsr edilib.

Eyni zamanda İlk tədris günü məktəbdə “Qayıdan torpaqlar, qayıtmayan oğullar” adlı bədii kompozisiya təqdim olunub. Tədbir Şəhidlərin xatirəsinin bir dəqiqəlik sükutla yad edilməsi ilə başlanılıb və məktəbin direktoru Eldar Rəcəbov tədbiri açaraq, Şəhidlərimizin keçdikləri şücaətli döyüş yollarından, 44 günlük müharibədə qazanılan misilsiz qələbədən bəhs edən məruzə ilə çıxış edib.

Sonra məktəbin tədris işləri üzrə direktor müavini Etibar Abbasov və I sinif şagirdi, İkinci Qarabağ müharibəsinin Şəhidi Elçinin Nadirovun qızı Arzu Nadirova çıxış ediblər.

Daha sonra məktəb şagirdlərinin ifasında Vətənpərvərlik mövzusuna şeirlər səsləndirilib.