Sentyabrın 9-da Nizami Gəncəvi adına Zaqatala rayon Mərkəzi kitabxanasında kitabxananın metodika və biblioqrafiya şöbəsinin baş biblioqrafı Yasəmən Məmmədova tərəfindən tərtib edilərək çap olunmuş “Azad olunmuş ərazilərimizin infrastrukturu, ərazisi, etnik tərkibi və təbii ehtiyatları” adlı metodiki vəsaitin təqdimat mərasimi keçirilib.

Tədbirin əvvəlində Şəhidlərimizin xatirəsi bir dəqiqəlik sükutla yad edilib və Zaqatala Rayon MKS-nin direktor vəzifəsini müvəqqəti icra edən Leyla Məmmədova çıxış edərək II Vətən müharibəsində Ali Baş Komandan İlham Əliyev başda olmaqla Azərbaycan ordusunun göstərdiyi rəşadətdən, şücaətdən, xalqımızın ordumuza, dövlətimizə verdiyi böyük dəstəkdən danışıb. Bildirilib ki, zənginliyi, gözəlliyi ilə hər zaman dillər əzbəri olan Qarabağımıza dönüşümüzün sevinci, həyəcanı ilə hazırlanmış olan “Azad olunmuş ərazilərimizin infrastrukturu, ərazisi, etnik tərkibi və təbii ehtiyatları” metodiki vəsaitində işğaldan azada edilmiş rayonlarımızın təbiəti, ərazisi, etnik tərkibləri, təbii ehtiyatları haqqında geniş məlumat verilmiş, eləcə də həmin rayonların işğaldan azad edildiyi tarixlər xronoloji ardıcıllıqla göstərilmişdir.

 Vəsait geniş oxuxu kütləsi üçün nəzərdə tutulmuşdur.