Şəki Regional Mədəniyyət İdarəsinin əhatə dairəsində olan rayonların mədəniyyət müəssisələrində silsilə anım tədbirləri keçirilib.

Balakən rayon Katex kənd Folklor evi, Hənifə və Kortala kənd Diyarşünaslıq evləri, Rayon Mədəniyyət Mərkəzi, Qabaqçöl və Meşəşambul kənd Folklor evləri, Qax MKS-nin Güllük kənd kitabxanası, Güllük kənd Mədəniyyət evi, bütün rayonların Heydər Əliyev Mərkəzlərində və Mərkəzi Kitabxana Sistemlərində keçirilən anım tədbirlərində Şəhidlərin əziz xatirəsi ehtiramla anılıb, Azərbaycan ordusunun qüdrətindən, Şəhidlərimizin döyüş zamanı göstərdiyi qəhrəmanlıqlardan söz açılıb və ədəbi-bədii kompozisiyalar nümayiş edilib.

Mədəniyyət işçiləri eyni zamanda şəhər və rayonlarda təşkil olunan anım tədbirləri çərçivəsində torpaqlarımızın azadlığı uğrunda canından keçən Şəhidlərimizin adına ucaldılmış Şəhidlər Abidə Komplekslərini ziyarət edərək, onlara olan dərin təşəkkür və ehtiramlarını bildiriblər.