Balakən rayon Şərif, Şambul kənd Sənətkarlıq klubları və Yeni Şərif kənd Sənətkarlıq evinin birgə təşkilatçılığı ilə Şəhid Heybullah Əsdiyevin  ailəsi və məzarı ziyarət edilib.

Şəhidin ailəsi ilə görüş zamanı bildirilib ki, Əsdiyev Heybullah Məzahir oğlu 14.10.1993-cü ildə Balakən rayonu Qaysa kəndində anadan olmuşdur. 21.09.2020-ci il tarixdə çağırılan səfərbərliyə  könüllü olaraq  qoşulub və sentyabrın  27-dən müharibədə  iştirak  etmişdir. Müharibəyə gedən gündən ön cəbhədə böyük şücaətlə həm döyüşüb, həm də yaralıları daşıyıb. 14.10.2020-ci ildə Suqovuşan Ağdərə istiqamətində gedən doyüş zamanı qəhramancasına Şəhid olmuşdur.

Azərbaycan Respublikası Prezidenti İlham Əliyevin 15 və 25 dekabr 2020-ci il tarixli sərancamları ilə ölümündən sonra "Vətən uğrunda", "Cəsur döyüşçü", "Suqovuşanın azad edilməsi" medalları ilə təltif edilmişdir.