15.12.2017
05.12.2017-ci il tarixdə M.F.Axundzadə adına Mədəniyyət mərkəzində 9 saylı kitabxana filialı və 17 saylı məktəblə birgə dahi bəstəkar, karifey sənətkar Üzeyir Hacıbəylinin xatirəsinə həsr olunmuş “Azərbaycan musiqi tarixində Üzeyir Hacıbəylinin yolu” adlı ədəbi-bədii kompozisiya keçirmişdir. Öncə bəstəkarı Üzeyir Hacıbəyli olan Azərbaycan Respublikasının Dövlət Himni səsləndirildi. Sonra aparıcılar - Şəkər və İlahə Üzeyir Hacıbəyovun həyat və yaradıcılığı haqında məlumat verdilər. Ardınca kitabxananın fəal oxucuları – Ramazanov Rəhim, Kərimov Elşən, Mehdiyeva Səbinə, Əfəndizadə Nuray, Həşimova Mətanət, Həsənli Ülvi, Qarayeva Nuray, Yavərli Könül, Rəsullu Duyğu, Mirzəzadə Munisə və Talıbova Nəzrin dahi bəstəkarın “O olmasın bu olsun” və “Arşın mal alan” musiqili komediyalarindan səhnələr nümayiş etdirdilər, eyni adlı filmlərdən mahnılar və rəqslər ifa etdilər. Məktəbliləri tarda Qasımzadə Fərid və fortepianoda Mustafazadə Jalə müşayiət etdilər. 17 saylı orta məktəbin müəllimləri – Dadaşova Nailə, Kərimova Şahnaz və Xəlilova Günel tədbirin təşkilində fəal iştirak etmişlər. Sonda MKS-nin direktoru Seyid Vahabov tədbirin təşkilində fəal iştirakına görə 17 saylı orta məktəbin şagirdlərinə, uşaq birliyinin sədri Xəlilova Günelə, musiqi müəllimi Kərimova Şahnaza, VIII a və VIII b sinif şagirdlərinə, “Yallı” rəqs qrupuna, 9 saylı kitabxana filialının müdiri Rüfanə Həsənovaya fəxri fərmanlar təqdim etmişdir. Sonda 9 saylı kitabxana filialının müdiri Rüfanə Həsənova yekun sözlə tədbiri yekunlaşdıraraq bütün iştirakçılara, tamaşaçılara kitabxana filialının kollektivi adından təşəkkürünü bildirdi.