01 may 2018-ci il tarixdə  M.F.Axundzadə adına şəhər Mədəniyyət Mərkəzi L.Abdullayev adına şəhər diyarşünaslıq klubu ilə birgə DİN-nin  Daxili  Qoşunlarının Şəki şəhərində yerləşən N saylı hərbi hissəsində hərbçilərlə  Böyük Vətən Müharibəsi və Qarabağ Veteranlarının görüşü keçirilmişdir.

Mədəniyyət Mərkəzinin bədii rəhbəri Rəşad Rüstəmovun aparıcılığı ilə  baş tutan tədbirdə Ağsaqallar şurasının sədri Vahid Qəniyev, Böyük Vətən Müharibəsi və Qarabağ Veteranları Cəmiyyətinin sədri  Mustafa Əhmədov və  qocaman tarix müəllimi Tapdıq Rəcəbov çıxış etmiş, Ulu öndər Heydər Əliyevin həyat və tarixi yaradıcılığından geniş söhbət açmışdır. Eyni zamanda  Böyük Vətən Müharibəsi illərində Azərbaycan xalqının ön və arxa cəbhələrində göstərdiyi  sücaətlərdən danışmış, hərbçiləri vətənpərvər ruhda xidmət etməyə çağırmışdır.

Tədbirdə  L.Abdullayev adına şəhər diyarşünaslıq klubunun  instrumental ansamblının solisti  İdris İdrisov rəhbərlik etdiyi ansambılla birgə əsgər və zabitlərə  öz  musiqi  nömrələri ilə gözəl anlar bəxş etmişdir. Əsgər Ruslan Abdullayevin oxuduğu mahnılar böyük rəğbətlə qarşılanmışdır. Sonda DİN-nin  Daxili Qoşunlarının Şəki şəhərində yerləşən N saylı hərbi hissəsinin komandiri Rəşad Hüseynov hər kəsə öz minnətdarlığını  bildirdi.