25 aprel 2018-ci il tarixində Cəyirli kənd folklor klubunda “Narkomaniyaya və məişətdə qadın zorakılığına qarşı mübarizə” başlığı altında ədəbi-bədii gecə keçirilmişdir. Həmin tədbirdə Şəki rayon İH-nin Cəyirli kənd ƏDÜ-ə üzrə nümayəndəsi Vaqif Həsənov, Cəyirli kənd tam orta məktəbin direktoru Altay Rzayev, Cəyirli kənd bələdiyyəsinin sədri Mirvari Qarayeva, Cəyirli kənd folklor klubunun müdiri Zəkiyyə Abbasova, Cəyirli kənd folklor klubunun mədəni kütləvi təşkilatçısı şair Mürsəl Qorxmaz, MKS-nin 33 saylı kitabxana filialının müdiri Kəmalə Abbasova, Sarıca polis bölməsinin ərazi üzrə sahə müvəkkili polis karitanı Taleh Hüseyinov, məktəbin müəllim, şagird kollektivi və kənd camaatı iştirak edirdi.

Tədbiri giriş sözü ilə folklor klubunun müdiri Zəkiyyə Abbasova açaraq çıxış etmək üçün sözü məktəbin direktoru Altay Rzayevə verdi. O, öz çıxışında erkən yaşlarında uşaqların pis vərdişlərə aludə olmasının qarşısının vaxtında alınmasında müəllimlərin üzərinə böyük məsuliyyət düşdüyünü qeyd etdi. Digər çıxış edən natiqlər də narkomaniya ilə bağlı öz fikirlərini bildirdilər və qadın zorakılığına qarşı mübarizə məsələlərinə də biganə qalmadılar. Tədbirin sonunda polis kapitanı Taleh Hüseynov çıxış edərək yeniyetmələri və gəncləri bu kimi pis vərdişlərdən uzaq olmalarını və onların cəmiyyətdə öz sağlam yerlərini tutmalarını tövsiyə etdi.